Gure historia

Gure historia, gure balioak

Irulegiko Sotoa

Elkarlanean sortutako upategia

1952an, Irouleguyko bederatzi mahastizainek beren indarrak bateratzea erabaki zuten, mendiko mahastiaren babesa eta garapena bermatzeko.

Alexandre Bergouignan, Désiré Etcheverry-Ainchart eta Pierre Minjonnet-en bultzadaz, kooperatiba bat sortu zuten: tresna kolektibo bat, independentea, beren lana eta terroir-a balioan jartzeko pentsatua.

1970ean, Irouléguy ardoek AOC aitorpena lortu zuten, eta horrek mendi-mahasti honen berezitasuna baieztatu zuen, Euskal Herriko hegietan itsatsita.

Gaur egun, Irulegiko Sotoak Irouléguy izendapeneko landare-eremuen %50 ordezkatzen du, hau da, 110 hektarea, beren lurraldeari oso lotuta dauden emakume eta gizonek landuak.

Kooperatiba independente bat Euskal Herrian

Gure eredua argia da: mahastizainak dira upategiaren jabe, gidari eta arduradun.

Ekoizpen osoa ekartzen dute
Banakako merkaturatzea uzten dute
Erabakiak hartzen dituzte
Inbertsioak orientatzen dituzte
Arlo tekniko eta komertziala definitzen dute

Ez dago bitartekaririk, ez kanpoko egiturarik: upategia erabat autonomoa da, mahastitik botilaratzeraino.

Independentzia horrek bermatzen du gure ardoen nortasuna eta koherentzia.

Talde konprometitua

Mahastizainekin batera, hamabost langile inguruk lan egiten dute egunero: upategian, bulegoetan, dendan edo eremuan.

Haien esperientzia tekniko, komertzial eta logistikoak ardoen kalitatean eta upategiaren garapenean laguntzen du.

Mahastizainak eta langileak elkarrekin ari dira, konfiantza eta elkartasun giroan.

Elkarrekin egindako lan honek gure identitatea osatzen du.

Gobernantza parte-hartzailea

Mahastiaren garapena eta kupeen kalitatea bermatzeko, Irulegiko Sotoak gobernantza irekia du.

Mahastizainak eta langileak batzorde hauetan elkarlanean aritzen dira:
mahastizaintza
upategia eta vinifikazioa
komunikazioa
ingurumena
berrikuntza
merkataritza eta garapena

Elkartruke espazio horiek praktiken hobekuntza, erronka berrien aurreikuspena eta etorkizuneko ardoen irudikatzea ahalbidetzen dute.

Elgarrekin (denok batera): gure kupeen berezitasunaren oinarria.

Gure balioak

Lurraldearekiko errespetua

Gure mahastiak malda handietan kokatzen dira (batzuetan %60tik gorakoak), eta horrek lan eta ezagutza berezia eskatzen du.

Ondare paisajistiko eta kultural hau zaintzea gure misioaren erdigunea da.

Transmisioa

Kooperatibak familia txikiei aukera ematen die bizirik jarraitzeko, inbertitzeko eta etorkizuna eraikitzeko.

Ekonomia jarduera mantentzen du landa eremuan eta haranaren orekan laguntzen du.

Kalitatea konpromiso gisa

Mahastitik botilaratzeraino, etapa bakoitza exigentzia berarekin egiten da: ardo benetakoak, biziak eta Irouléguyko terroir-ari leialak sortzea.

Ingurumen konpromisoak

Urte askotatik, upategiak eta mahastizainek ingurumenaren babesa aktiboki lantzen dute.

AOC arauek jada marko zorrotza ezartzen badute ere, praktikak sarri harago doaz:
mendiko lan egokituak
inputen murrizketa
biodibertsitatearen hobekuntza
agroekologia berrikuntza kolektiboa

Gero eta mahastizain gehiagok hautatzen dute nekazaritza ekologikoa.

Gaur egun:
50 hektarea baino gehiago AB ziurtatuta daude
beste batzuk bihurketa prozesuan daude

Horrek sortu ditu kupe bereziak: Kattalin, Ospa, Gabe (sulfitorik gabeko bio gorria) eta Sorlekua